Archiwum
łemkowskiego radia

Добрий ден дорогы радию слухаче Витам Вас барз сердечні на слуговиску і запрашам на оповіданя з книжкы польско рускій Бескід леґенды і о повісти Анджея Потоцкого Оповіданя під наголовком Свята Гора Явір Єст така гранична гора понад Высовом котру звут Явором На тій горі од польской стороны стоіт каплиця побудувана в місци де пару разы бідній в дові обявила ся Божа Матір А было то так <unk> вересня подля грихоряньского календаря в ґабальтові на Словациі проходил як што рока Кєрмеш в ден Різдва Пресвятой Богородиці подля руского календаря Сходили ся на неголовні Лемкы з польской і словацкой стороны Бескіду але тіж Полякы і Словакы так і грекокатоликы православны як і римокатоликы В тамтых часах люде гев в горах переміщали ся піше Про тото дорога на кєрмеш і назад заберала ім навет пару дни Наступного дня під вечер а было то в <unk> року вертали з того кєрмешу три жены з Высовой Як дотерли на вершок Горы Явір нараз ся ім вказала чудна ясніст Переражены жены як найскорше пішли од тамаль Але не дало ім спокою што могло такым блезком світити і як вернули догыж оповіли о тым чудным явиску Пару дне пізнійше єдна з них Фірия Демянчук бідна вдова зас выбрала ся на Словацию жебы в богатых ґаздів заробити кус ідла для своіх діточок Коли зближыла ся до вершка Горы Явір взеріла тоту саму ясніст што пару дни скорше а в тым світлі Божу Матір котра повідала єй Вертай до хыжы твоі діти не сут уж холодны Як вернула домів взріла свого уйка котрий привюз ім дуже ідла хоц скорше не робил того Фірия оповіла йому і інчым людям о тым што ся єй трафило Увірили єй бо інчы тіж виділи тоту ясніст але без Божой матери Неодолга на поляні під вершком появило ся джерело і што найважнійше дуже хворых молячых ся при ним оздоровіло На памятку тых чудовых выдарінь поставлена остала каплиця Од того часу аж до дня выселіня Лемків з іх землі приходило гев барз дуже вірных Але навет коли не было гев Русинів люде котры дотерли близко того місця не раз виділи чудну ясніст як бы языкы огня котры выходят з каплиці коли охня жадного гын не было Інчым разом свічкы перед ікодом Божой Матери самы ся запаляли Коли нечысленны з выгнаных Лемків вернули в Карпаты зас зачали одвіджати каплицю на Своій Святій Горі Явір В ден святых Апостолів Петра і Павля <unk> липця сходят ся гев Лемкы зо вшыткых стран світа і приносят покутны кресты котры ставляют в ріжных інтенциях на Поляні в поближу каплиці Переклад Варвара Дуць Нагнеска то уж вшытко Дякую Вам барз сердечні за увагу чытала Моніка Тылявска